2018/2019 ikasturtea bere azkenetan da. Ikasturte erabat emankorra izan da TOBERAn: besteak beste, emaitza bikainak eskuratu dituztelako gure ikasle askok, ikasturtean zehar egindako ekintza-sorta azpimarragarria izan delako kopuruz nahiz nolakotasunean, arian-arian sortutako antolaketa-premiei erantzun egokia ematen asmatu dugulako eta hezkuntza- eta kultura-dimentsioak ase geratu direlako Zegaman, Seguran, Zerainen eta Mutiloan. Horren guztiaren erakusgarri izango dira ikasturte-bukaerako musika-jaialdiak. Bana egingo da Zegaman eta Seguran. 100dik gora ikaslek hartuko dute parte. Zegamakoa ekainaren 13an izango da, herriko plazan, eta Segurakoa 18an pilotaleku zaharrean; biak 18:30ean hasita. Albiste honen behealdean dituzue egitarauak. Ohiko moduan, gainera, askotariko musika-motak eta -joerak plazaratzeaz gain, hala merezitako ikasleei Diploma banatuko zaie jendaurrean (2. nibel-amaierako azterketa ekainaren 12an izango da, eta 5 ikasle aurkeztuko dira; musika-hizkuntzaren zikloa bukatuko duten ikasleei ere egiaztagiria banatuko zaie). Afari-merienda egongo da bi egunetan, saioa biribiltzeko.
- iker -ren bloga
- Logeatu iruzkinak post-eatzeko