Hasiera

zegama

Errege Magoak gurean dira, ilusioa lagun

TOBERA Musika-eskolaren eskutik, Zegaman izan ziren aurten beste behin 3 Errege Magoak. 2022an desfile eta guzti sartu ziren herrian Errege Magoak. Iaz, pandemiagatik, geldirik egin zitzaien ongi etorria Erregeei, patio estalian eta aurretiaz txanda hartuta, familia-unitateak elkarren artean nahastu gabe.  Aurten, ordea, Kabalgata ia ohiko eran egiteko modua izan zen.

Musika zuzenean eta aurrez aurre: zer polita den!

Ekainaren 21ean eta 22an TOBERA Musika- eta Dantza-eskolako ikasleek egindako jendaurreko saioak erakutsi dute zuzeneko musika bezalakorik ez dagoela, ez musikarientzat eurentzat, ez publikoarentzat. Jendeak bikain erantzun die musika-eskolatik egindako deialdiei, eta aforoak erabat bete dira. Segurtasuna zainduta betiere, belaunaldi desberdinetako kideak elkartu dira musika egiteko, Zerainen eta Seguran. Arrakastatsu bietan.

Ikasturte-bukaera ate-joka

Ekainaren 21ean, Musikaren Nazioarteko Eguna izanik, TOBERAko ikasleek emanaldia eskainiko dute Zerainen 18:30ean, ZerainLab elkartearekin lankidetzan. San Blas ermitaren inguruan izango da; eguraldi txarrarekin, eliza-atarian.

Hurrengo egunean, 22an, Zegamako patio estalian izango da kontzertua, 19:00etan. Covid-19a dela eta, tokia aurrez hartzea ezinbestekoa izango da (doan). Horretarako, deitu Zegamako udaletxera 22a baino lehenago.

TOBERAk antolatuta, Errege Magoei ongi etorria Zegaman

Urteroko usadioa da. Eta aurten ere ez du hutsik egin hitzorduak. TOBERA Musika-eskolaren eskutik iritsi dira Hiru Errege Magoak Zegamara 2020an ere, opariak partitzera herritarren artean, urtean zehar izan dugun portaeraren eta jarreraren proportzioan. Urteak dira Erregeen harrera-ospakizuna antolatzea musika-eskolaren ardura dela -hasiera-hasieratik, 1997tik-, eta segizioak txistularien musika izan ohi du lagun, baita aurten ere.

Urriaren 27an, gure ikasleak San Adriango tunelean egingo den antzezpen musikatuan ariko dira

Komunitatearekiko lankidetza da TOBERA Musika-eskolaren bereizgarrietako bat. Ingurune aberatsak aberasten gaitu, bertatik jasotzen baitugu. Eta ingurunea aberasteak aberasten gaitu, indartsu egiten baikaitu.

Aurkezpen-bilerak familientzat

Musika-hizkuntzako ikasleen familiekin aurkezpen-bilerak egingo ditu TOBERA Musika-eskolakurriaren 16an, arratsaldeko 17:30ean, Zegamako Aitxuri Herri-eskolako musika-hizkuntzako gelan (104. gelan) eta biharamunean, urriaren 17an, arratsaldeko 17:30ean, Segurako kultura-etxeko areto nagusian. Zegaman eskolak hartzen dituzten ikasleen familientzat eta Zerainen nahiz Seguran hartzen dituztenentzat izango dira bilera hauek, hurrenez hurren, nahiz eta, hobeto baletorkio norbaiti, bereaz besteko herriko bilerara joateko aukera baduen. Halaber, ikasleen familiarteko izan gabe ere, informazioa jaso nahiko balu norbaitek, irekita izango ditu ateak bertaratu eta behar besteko azalpenak jasotzeko.

Musika-hizkuntzako eskoletan lantzen dena, nola transmititzen diren kontzeptuak, helburuak, eguneroko funtzionamendua eta prozedurak, e.a. ezagutu nahi dituen edozein herritarrek du joateko aukera, beraz.

Oporren aurretik, musika-jaialdiak ikasturtea agurtzeko.

2018/2019 ikasturtea bere azkenetan da. Ikasturte erabat emankorra izan da TOBERAn: besteak beste, emaitza bikainak eskuratu dituztelako gure ikasle askok, ikasturtean zehar egindako ekintza-sorta azpimarragarria izan delako kopuruz nahiz nolakotasunean, arian-arian sortutako antolaketa-premiei erantzun egokia ematen asmatu dugulako eta hezkuntza- eta kultura-dimentsioak ase geratu direlako Zegaman, Seguran, Zerainen eta Mutiloan. Horren guztiaren erakusgarri izango dira ikasturte-bukaerako musika-jaialdiak. Bana egingo da Zegaman eta Seguran. 100dik gora ikaslek hartuko dute parte.

Zegaman TOBERAk antolatutako Dantzari Txiki Eguneko argazkiak ikusi eta deskargatu

Apirilaren 7an izan da aurtengo Dantzari Txiki Eguna Zegaman. Eguraldiak lagunduta, eguneko aurreikuspenak bete ahal izan dira, eta jai koloretsua osatu dute Lazkaoko Oin Arin dantza-taldekoek, Segurako Azpilla dantza-taldekoek, Beasaingo Aurtzaka dantza-taldekoek eta Zegamako bertako TOBERAko 5 dantza-taldeetako partaideek. Talde bakoitzak bere musikariak izan ditu lagun, eta eurak ikustera eta entzutera gerturatutako herritarrak, senitartekoak eta lagunak ugari izan dira. Beraz, festa-egun handia izan da dantzari txikiek osatutakoa Zegaman igandean. Eskerrik asko guztioi!

Musikaren Hamabostaldia une gogoangarriak uzten ari da

Musikaren Hamabostaldia herriak kulturaz eta musikaz blaitzera etorri da aurten. TOBERA Musika-eskolak antolatutako ekintza-sorta oparoak herritarren arteko loturak eratzeko balio izan du, eta gogoratzeko moduko hainbat une ari da uzten. Jarraian doan estekan zenbait ekintzatako argazkiak ikusi eta deskargatu ahal izango dituzue, ez ahaztu, dena den, oraindik ere badela zertaz gozatua Musikaren Hamabostaldiarekin.

https://photos.google.com/album/AF1QipPwgPn_rmu2mi5p5ruMAkGhP--rJihwjPoV...

Orriak

RSS - zegama-rako harpidetza egin