Blogak

Koronabirusa koronabirus, badira hutsik egin gabe aurrera ateratzen ari garen ohiko ekintzak ere. Entzunaldiak, ate irekiak eta musika-tresnak bertatik bertara eta aurrez aurre ezagutzeko erakustaldiak egin ditu apirilean zehar TOBERA Musika-eskolak.

TOBERA Musika- eta Dantza-eskolan izena emateko epea zabalik duzu maiatzaren 23ra arte. Orain izena emanda, 2021/2022 ikasturtean gure ikasle izango zara. Iaz aurreneko aldiz online egin zen matrikulazio-prozesu osoa, eta aurten ere hala izango da: www.tobera.org webgune honetako goiko menu-barran agertzen den "Izenematea 2021/2022 ONLINE" atalean klikatu.

Udaberriaren atarian 'Musikaren Hamabostaldia' antolatu ohi du Tobera Musika-eskolak. Aurten, bigarren aldiz segidan, COVIDa dela eta, ezinezkoa izan da ohiko formatuan garatu. Musikaren Hamabostaldiaren barruko osagaietako bat irakasgaikako entzunaldiak dira. Entzunaldiak ikasleek bakarka edo talde oso txikitan interpretatzen dituzten abestien emanaldiak dira. Eskoletan lantzen dituzten ariketak familiei eta ikaskideei erakusteko kontzertu txikiak dira, instrumentu bakoitzaren ezaugarriak erakusteko. Aurten ere egin egingo dira entzunaldiak.

Taldean, modu informalean, presiorik eta konpromiso zailik gabe, lagunartean eta naturaltasunez, zure antzeko kideekin elkartu eta musika jo eta abestuz gozatu nahi al duzu? 'Musika elkarrekin' izena du zuretzat prestatu dugun planak. Sartu albistean eta segi irakurtzen... tentatuko zaitu!

Apirilaren bukaeran 2021/2022 ikasturteko matrikula egiteko epea hasikoa da. TOBERA Musika-eskolan gaur egun ikasle diren ikasle askori instrumentua aukeratzea egokituko zaie orduan, irailetik aurrera instrumentu hori jotzen ikasten hasteko. Baina, nola ziurtatu konforme egongo garela aurrerago ere orain aukeratuko dugun musika-tresnarekin?

Momenturik zailenetan jasotako laguntza da denetan baliagarriena. Bizi dugun egoeran, elkartasuna praktikatzeak asko balio duela jakitun da AMPO kooperatiba-taldea. Eta, filosofia horrekin koherente, TOBERAren proiektua babestea eta diruz laguntzea erabaki du aurten beste behin Ampok. Mila esker!

2021eko martxoaren 26a eta apirilaren 24a bitartean Musikenen irakasten diren espezialitateen inguruko ate irekien jardunaldiak egingo dira.

2021eko otsailaren 23an Zegamako, Segurako, Zeraingo eta Mutiloako TOBERA Musika- eta Dantza-eskolako bazkideen Batzar Orokorra izango da, 19:00etan hasita. Aurten telematikoki egingo da, 2021ean batzarrak bitarteko elektronikoen bitartez egiteko legeak markatutako moduak jarraituta.

2019/2020 ikasturtearen memoria, diru-kontuen kitapena eta ondasun-inbentarioan izandako gehikuntza jorratuko dira batetik; 2020/2021 ikasturterako eskola-plangintza eta aurrekontua bestetik; eta Zuzendaritza-batzordearen osaera berria azkenik.

Otsailaren 27ko eta 28ko asteburuan beharko luke izan Andoaingo 16. piano-jaialdiak. Koronabirusak, ordea, dantzan jarrita dauka jaialdia; zalantzan dago egiterik izango ote den ala ez, eta nola, egitekotan.

Dena den, gure ikasleek aspaldi eman zuten izena parte hartzeko, eta hasiak dira harako obrak eta piezak prestatzen. Hain zuzen ere, 9 dira horretan buru-belarri ari diren piano-jotzaile gazteak.

Maia Pérez, Maddi Mardaras, Udane Inza, Noa Otaegi, Adei martínez, Libe Sarasa, Aintzira Zabaleta, Naiara Iraola eta Malen Otaegi. Zuena izango da arrakasta!

Berria egunkariak 2021eko urtarrilaren 13an argitaratutako artikulu baten laburpena duzu hau.