Blogak

TOBERA Musika-eskolako Zuzendaritza-batzordea berritzeko garaia iritsi da, urtero egiten dugun moduan. Aipatu Zuzendaritza-batzordea, besteak beste, matrikulatutako ikasleen 9 gurasok edo tutorek, edo adin-nagusiko ikaslek berek osatzen dute.

Kideetako 5 Zegamakoak dira. Zegamako 5 guraso hauetatik 2 dira aurten berritu beharrekoak. Segurakoak, Zeraingoak eta Mutiloakoak gainerako 4rak dira (edo beste herrietakoak). 4 guraso horietatik 3 dira aurten ordezkatu beharrekoak.

Orkli berokuntzarako, gas-segurtasunerako, ura berotzeko eta etxetresna elektrikoetarako osagaiak fabrikatzen eta saltzen dituen Ordiziako kooperatiba da. Nazioarte-mailako taldea da, eta berrikuntza eta aitzindaritza ditu balio erantsi bere lanean, gertuko inguruarekiko lankidetzaz gain.

Tobera Musika-eskolak ere EITBren aurtengo Maratoiko kantu-katearen bertsioa egin du.

Helbide honetan duzue ikusgai bideoa: https://www.eitb.eus/eu/eitb-taldea/eitb-maratoia/zure-bertsiorik-onena/...

Sentitu libre negar egiteko (gauza handia da negar egitea!), eta ez ahaztu gertu gaituzula beti TOBERAko guztiok. Gu, elkarrekin ;-)

Igandean (azaroaren 22an) Santa Zezilia eguna izan zen. Dakizuen bezala, musikarion zaindaria da Santa Zezilia. Egun horren bueltan ugariak izaten dira musika-emanaldiak. TOBERAko ikasle eta langileek ere urtero-urtero ospatu izan dugu. Eta aurten ere bai!

Santa Zezilia azaroaren 22an da. Data horren bueltan, "Musikalean" ospatu ohi dugu. "Musikalean" Euskal Herriko Musika-eskolen Elkartean biltzen garen musika-eskolek antolatzen dugun jaia da. Aurten ez dugu "Musikalean" egiterik izango, bizi dugun egoera dela eta, baina ez dugu ezer egin gabe geratu nahi zian ere. Horregatik, aurreko "Musikalean"-etan egindako argazkiekin bideo bat sortu dugu. Euskal Herriko musika-eskola ugaritako ikasleen argazkiekin osatu dugu bideoa; ea TOBERAko ikasleen argazkiak zeintzuk diren asmatzen duzuen! Kontuz, batzuk aspaldi samarrekoak dira...!

Santa Zeziliak ez du pandemiez ulertzen, eta, egoerara egokituta bada ere, musika dakar beste behin Tobera Musika-eskolako ikasleen eskutik.

Musika-hizkuntzako informazio-bilerak aurrez aurre egin genituen urriaren 28an eta 29an, baina, aldiz, Eusko Jaurlaritzaren azaroko dekretuak ez digu utziko Santa Zeziliaren omenezko kontzertua jendaurrean egiten.

SARS-CoV-2ak eragindako infekzioen hedapena geldiarazteko, Eusko Jaurlaritzak dekretua sartu zuen indarrean azaroaren 7an: https://www.euskadi.eus/y22-bopv/eu/bopv2/datos/2020/11/2004748e.shtml

Musika-hizkuntzako ikasleen familiekin aurkezpen-bilerak egingo ditu TOBERA Musika-eskolak urriaren 28an, arratsaldeko 18:00etan, ZegamakoJabier Otaegi kultura-etxeko musika-hizkuntzako gelan (Oria aretoan) eta biharamunean, urriaren 29an, arratsaldeko 18:00etan, Segurako kultura-etxeko areto nagusian.

Zegaman eskolak hartzen dituzten ikasleen familientzat eta Zerainen nahiz Seguran hartzen dituztenentzat izango dira bilera hauek, hurrenez hurren, nahiz eta, hobeto baletorkio norbaiti, bereaz besteko herriko bilerara joateko aukera baduen.

HILABETE FALTA DA EUSKARALDIRAKO >> Azaroaren 20tik abenduaren 4ra

Euskaraldian parte hartzeko ariguneak identifikatu eta entitate modura izena eman du TOBERA Musika- eta Dantza-eskolak. Horrela, garai zail honetan, herritarrei euskaraz gehiago, gehiagorekin eta gehiagotan aritzeko bidea erraztuko diegu.

Ikasturtea hasterako, "COVIDaren AURREKO JARDUNBIDE OROKORRAK 2020/2021 ikasturtean" dokumentua osatu genuen TOBERAn eta familia eta ikasle guztiei bidali genien, eta irailaren hasieran, berriz, "COVID PAUTAK FAMILIENTZAT" dokumentua, jarraibide zehatzekin [klikatu izenen gainean dokumentuak deskargatzeko].