orokorra

Hemen duzu zuzeneko esteka matrikula azkar eta eroso egiteko:
https://docs.google.com/forms/d/e/1FAIpQLSepGY1l8kPX0pZxj6b4bJoiE9tAD5QW...

Orkli kooperatiba-elkarteak ongi daki zer den auzolana, enpresa-munduan 'erantzukizun sozial korporatiboa' esaten zaion hori. Erantzukizun Sozial Korporatiboa (GEK) enpresak zuzentzeko modu bat da, haien jarduerak bezeroengan, enplegatuengan, bazkideengan, akziodunengan, tokiko komunitateetan, ingurumenean eta, oro har, gizartean sortzen dituen inpaktuen kudeaketan oinarritzen dena.

Eguberrietan gure inguru hurbilean abestu izan diren, baina gaur egun ohikoak ez diren gabon-kanten bila gabiltza. Zuen etxean, familian, auzoan, aiton-amonei entzunda… abestu izan diren eguberri-abestiak grabatu eta bidal iezazkiguzue TOBERA Musika-eskolara! Abesti horiek betiko gal ez daitezen laguntzeaz gain, oparitxo bat jasoko duzu trukean.

Jaso nahi ditugun abestiek ezaugarri hauek bete behar dituzte:

.

TOBERA familiek eratutako kultura-elkartea da. Helburu soziala du, Aizkorpe bailarako herritarrei musika eta dantza irakasteko eta kultura-jarduerak egiteko bokazioa baitu. Horretaz jakitun, AMPO kooperatibak bat egin du beste behin gurekin, eta gure lana diruz laguntzeko erabakia hartu berri du.

Udalerri Euskaldunen Eguna ospatuko da Seguran maiatzaren 14an. Euskararen ezagutza-tasa altua duten ia 100 udal daude elkartuta Udalerri Euskaldunen Mankomunitatean (UEMAn), eta herri horietako batean 2 urtez behin egiten den eguna da Udalerri Euskaldunen Eguna. Azkena 2018an egin zen, Diman (Bizkaia). Aurten Seguran elkartuko dira Euskal Herriko herririk euskaldunenak.

TOBERA Musika-eskolako Zuzendaritza-batzordean ordezkari izango diren kideak hautatzeko aukera izango dute laster ikasleek eta familiek. Hain zuzen ere, urtarrilaren 27an, osteguna, izango dute aukera botoa ematera hurbiltzeko, arratsaldeko 18:00ak eta 20:00 bitarte, Zegamako eta Segurako kultura-etxeetan. Zeraingo familien kasuan, urtarrilaren 27ko arratsaldeko 18:00ak baino lehenago, Zeraingo zuzendaritzakideari entregatuta ere egin ahal izango dute, hala egitea kultura-etxeetara joatea baino erosoagoa balitzaie.

Seguran, Zegaman, Zerainen eta Mutiloan musikako eta euskal dantzatako eskolak ematen jarraitu ahal izateko, Orkliren diru-laguntza jaso berri du beste urte batez TOBERAk. Orkli berokuntzarako, etxeko ur berorako, ur-beroketarako eta etxetresna elektrikoetarako osagaiak fabrikatzen eta saltzen dituen enpresa da, eta bere egoitza soziala Ordizian dago. Eskerrik asko!

Musika-hizkuntzako ikasleen familiekin aurkezpen-bilerak egingo ditu TOBERA Musika-eskolak urriaren 25ean, arratsaldeko 16:30ean, Zegamako Jabier Otaegi kultura-etxeko musika-hizkuntzako gelan (Oria aretoan) eta biharamunean, urriaren 26an, arratsaldeko 18:00etan, Segurako kultura-etxeko areto nagusian.

Zegaman eskolak hartzen dituzten ikasleen familientzat eta Zerainen nahiz Seguran hartzen dituztenentzat izango dira bilera hauek, hurrenez hurren, nahiz eta, hobeto baletorkio norbaiti, bereaz besteko herriko bilerara joateko aukera baduen.

TOBERA Musika-eskolak abian du 2021/2022 ikasturtea. Mutiloako, Segurako, Zegamako eta Zeraingo musika- eta dantza-eskolak 35. ikasturtea du aurtengoa. 2021/2022 ikasturtea inoizko beteen etorri zaio TOBERAri: aspaldi-aspaldiko ikasle-kopuru gehien eta matrikula-kopuru gehien dugu oraintxe. Ikasturte segurua izango da aurtengoa ere; COVID-19aren aurrean ikasleen eta langileen osasuna zaintzeko kontingentzia-plan zehatza dugu egina.