orokorra

Howard Gardner psikologo, irakasle eta ikerlariak aspaldi formulatu zuen ikuspegi zientifikoz adimen anizkoitzen teoria. Horren arabera, zabaldu egin beharko lirateke orain arte tradizionalki eskolan ebaluatu izan diren ezagutza matematiko-logikoak eta hizkuntzari lotutakoak, eta beste 'adimen' edo 'trebetasun' batzuk ere hartu beharko lirateke kontuan, tartean, besteak beste, musikari lotutakoak.

Ikasturte honek oraindik zer eskainia baduen arren, hasi da TOBERA hurrengo ikasturtea zirriborratzen. Hasteko, 2018/2019ko musika-abenturan nork hartuko duen parte erabakitzeko unea iritsiko da. Alegia, irailetik aurrera musika-hizkuntza ikasten hasi nahi dutenek, instrumentu bat jotzen jarraitu nahi dutenek, euskal dantzatan trebatu nahi dutenek, musika-talde bat osatu nahi dutenek... orain eman beharko dute izena. Gaur egun TOBERAn ikasle direnek eta, nahiz eta orain ikasle ez izan, irailetik aurrera ikasle izan nahi dutenek egin beharko dute matrikula.

2018ko Musikaren Hamabostaldia martxoaren 22an bukatu da, baina Musikaren Hamabostaldia eta gero ere, badu zer eskainia TOBERAk! Ikus hemen -behintzat- 3 proposamen:

Batetik, apirilaren 6an, afalostean, kontzertu berezia eskainiko du TOBERA Musika-eskolako helduen konbo taldeak Zegamako udaletxeko arkupeetan. Bateriak, 2 gitarra elektrikok, baxu elektrikoak eta ahotsak osatzen dute taldea, eta rock doinuak izango dira nagusi.

Ampo balbulak fabrikatzen eta saltzen dituen kooperatiba da, eta bere egoitza soziala Idiazabalen dago. Zegamako, Segurako, Zeraingo eta Mutiloako TOBERA Musika-eskolak 4 herriotan musikaren arloan egiten duen kultura- eta gizarte-jarduera aintzat hartuta, kooperatibako Kontseilu Sozialak gure ikastegiari diru-laguntza ematea erabaki du aurten laugarren urtez.

Orkli berokuntzarako, etxeko ur berorako, ur-beroketarako eta etxetresna elektrikoetarako osagaiak fabrikatzen eta saltzen dituen enpresa da, eta bere egoitza soziala Ordizian dago.

Francisco Escudero kontserbatoriora sartzeko gogoa baduzu, “Ate irekien astean” hurbil zaitez bertara.
NOIZ: 2018ko martxoaren 12tik 16ra.
Bertako irakaskuntzaren jarduera gertutik ikusteko edota irakasleekin elkarrizketa bat izateko aukera izango duzue. Halaber, Oinarrizko Irakaskuntzei zein Irakaskuntza Profesionalei buruzko informazio-hitzaldietan
parte hartu ahal izango duzue. Jardunaldi hauetan parte hartzeko izena ematea beharrezkoa da.

INFORMAZIO HITZALDIAK:

4 saiotan ateratako argazki-albuma ikusi (eta deskargatu) nahi baduzu, hemen sartu: https://photos.app.goo.gl/b9GlVzYdRdP9aRH63

Urtarrilean eta otsailean zehar musikako eskola bereziak hartuko dituzte TOBERAko ikasleek eta musika-eskolako ikasle ez direnek. Adinka banatuta, musikarekin esperimentatzeko aukera bikaina jarri die eskura TOBERAk. Ekimen berritzailea da, eta erantzun paregabea eman diote herritarrek.

Orkli berokuntzarako, etxeko ur berorako, ur-beroketarako eta etxetresna elektrikoetarako osagaiak fabrikatzen eta saltzen dituen enpresa da, eta bere egoitza soziala Ordizian dago. Zegamako, Segurako, Zeraingo eta Mutiloako TOBERA Musika-eskolak herriotan musikaren arloan egiten duen kultura- eta gizarte-jarduera aintzat hartuta, kooperatibako Kontseilu Sozialak gure ikastegiari diru-laguntza ematea erabaki du beste behin.

Musika-ekarpen handiak egin zituen Jabier Otaegik. Horietako bat TOBERA Musika-eskola sortzeko emandako laguntza izan zen. Aurtengo maiatzaren 7an utzi gintuen, ordea, eta atsekabez estali zuen horrek herria.